走光寫真書展前搶閘

主題: 走光寫真書展前搶閘周日 7月 12, 2009 11:33 pm

懶理逾 3萬網民怒吼趕 o靚模出書展，胸軍部隊周秀娜、 Kama、 E cup baby等近日肉搏連場為寫真造勢，令 o靚模一姐 Angelababy都要「外洩」 deep V寫真照挽聲勢。為免落後，周秀娜即發放噴血照益街坊，結果掀起露乳暈疑雲，周秀娜竟變「露暈娜」。

現年 24歲擁有 32D噴血身材周秀娜（ Chrissie），又肯搏肯露，在中環穿比堅尼拍廣告夠晒出位。為迎戰本月 22日舉行的香港書展，眾 o靚模不惜扭盡六壬搶客谷寫真，繼有 Angelababy（楊穎）超 deep V泳裝照外洩，又有 Kama（羅凱珊）半裸出浴照流出， Chrissie也一樣出位，向外發放於塞班島取景的處女寫真《 Kissy Chrissie》唧胸照。

放大圖片

周秀娜在塞班島為其處女寫真集影性感泳衣照，其中有數張疑似走光相曝光。

放大圖片

「可能係有啲錯漏呀」

其中一輯周秀娜穿露奶三點式襯褻衣，俯身唧胸玩水照雙峯更搖搖欲墜，胸前兩點危危乎，有幾張更懷疑露出乳暈，如此博盡谷銷量，就知道 o靚模寫真惡鬥有幾激烈。其實日前周秀娜已就疑似走光照回應：「影嗰陣時其實我身邊好多人睇住，同埋我有打底，可能係有啲錯漏呀，哈哈。」有網民看完走光照後表示：「睇完啲相搞到我都想買番本呀！」
就疑似走光照片一事，問及經理人公司負責人 Roy，他說：「唔會嘅，我哋發相時睇過晒做好審查，而且拍攝過程好小心，做足防走光措施，有乳貼同加墊，應該唔會走光，或者係視覺上嘅錯覺啫。」
為拍處女寫真，其經理人公司花 10萬租用潛水艇拍攝，昨日周秀娜接受電話訪問，表示男友也大讚她影得靚。不過面對逾三萬網民群起反對 o靚模入侵書展，昨日周秀娜出席港台活動時也說：「又唔係一定話我。我都鍾意睇書，各人有唔同口味，書展係可以容納唔同類型嘅書籍，我嘅寫真係想將陽光同藍天白雲嘅開心感覺畀大家睇。」她又謂不希望大家戴有色眼鏡看 o靚模，並說這只是一個代號，不覺有貶意。

放大圖片

在陽光普照下的周秀娜以潛水艇作道具拍寫真集，展示其性感健美身段。

放大圖片

周秀娜乘坐潛水艇到深海取景，令她有做美人魚感覺。

七模闖旺角群情洶湧

放大圖片

o靚模殺入旺角造勢，獲大批 fans及電車男支持。

此外，周秀娜師妹、由裴殷（ A.Lin）等八模組成的 o靚模兵團昨日殺入旺角，宣傳寫真集《 Girl's look book》， DaDa（盧頌之）因開工缺席。現場逾 50名 fans一早到場，加上圍觀市民眾多，活動後更群情洶湧，眾 o靚模無法擠上保母車，惟有改搭的士。打扮最性感的 A.Lin說：「我做足防走光措施， fans都好乖，唔怕會有人亂摸。」
對於網民反 o靚模，陳煦晴（ Hailey C.）即劃清界線說：「應該唔係話我哋，有人支持就梗係越多越好。有不足我哋會改善，希望大家畀啲空間佢哋啦。其實一睇就知唔係講我哋，所以唔擔心。」擺明唔妥同期寫真對手《夏之盛放》劉欣宜（ E Cup Baby）、鍾蕙芝（ Lavina）等 o靚模。據知 8模寫真已三度加印，書展期間會推出特別加厚版。雖然網民反對 o靚模在書展搞握手會，但她們仍冇有怕：「都知道 fans想多啲見到我哋，所以書展期間可能會增加握手位同影相位。」
採訪：馬建華、藍文浩
攝影：林德雄、仇志德

話你知： o靚模寫真混戰

周秀娜《 Kissy Chrissie》$98
賣點：內衣、三點式泳衣
推出日期：本月 22日

Kama《 My Secret Album》$88
賣點：號稱半裸出浴
推出日期：本月 22日

Asa及 Annabella《 SALALA's》$88
賣點：面口新鮮
推出日期：本月 22日

Angelababy《 Miss Angelababy》$128
賣點：高貴 look
推出日期：本月 21日

美味天使《 Taste of Angels》$128
賣點：六種味道，三點式
推出日期：本月 17日

八模《 Girls' Look Book Vol 1.2書展終極版》$68
賣點：大堆頭、青春
推出日期：已出版

E Cup Baby、 Lavina等《夏之盛放》水着寫真$68
賣點： 3E暴族噴血身材
推出日期：已出版

資料來源：《蘋果》資料室

放大圖片

Kama
《 My Secret Album》

放大圖片

Angelababy
《 Miss Angelababy》

一網講盡： 3萬人反 o靚模 VS 200電車男

嫩口 o靚模趁書展胸群而出賣寫真，電車男引頸以待。為免銷書場變肉檔，一眾愛書人在 facebook建立群組，聯署將 o靚模踢出書展，短短一星期反 o靚模群組已有逾 3萬網民加入。電車男們迅速反擊，在 facebook開設反反 o靚模群組，更力撐謂：「寫真集絕對是屬於書的一種，主角們只是身體力行去 sell自己嘅努力，為何其他所謂有文化之士要趕絕她們呢？」截至昨午成員未過 200人，暫未成氣候。反觀討論區就熱鬧得多，更提升至文化自由及道德層面爭論，開足 99版，有 1,470個回應，估唔到齋講已經咁㷫。

周秀娜擁有 32D索爆身材，以「胸」戰力敵一眾 o靚模，為寫真集造勢。